მწერალთა სახლი გალაკტიონ ტაბიძის აქამდე უცნობ მასალებს 78 000 ლარად ყიდულობს
საქართველოს მწერალთა სახლი სახელმწიფო შესყიდვების საიტზე აცხადებს, რომ გალაკტიონ ტაბიძის გამოუქვეყნებელ მასალებს პოეტის ძმის შვილიშვილისგან, გიორგი ტაბიძისგან, 78 000 ლარად შეიძენს. მათ შორისაა 1907 წლის ესკიზების რვეული მწერლებისა და საზოგადო მოღვაწეების პორტრეტებით (ილია ჭავჭავაძე, ლერმონტოვი, დიკენსი, დარვინი და სხვ.), ესე ხელოვნებასა და პოეტურ ფორმებზე, ჩანაწერები, ლექსები, პოემა და ავტოგრაფები. მწერალთა სახლის თქმით, მასალები პოეტის ადრეული შემოქმედების კვლევისთვის ახალ ინფორმაციას შეიცავს.